კონკურსში მონაწილეობის მიღების უფლება აქვს: იურიდიული ფაკულტეტის (საერთაშორისო სამართლის) ბაკალავრიატის მე-3 და ზედა კურსის სტუდენტებს ან კურსდამთავრებულებს. კონკურსში მონაწილეებს  მოეთხოვებათ ასევე კომპიუტერული პროგრამების (საოფისე პროგრამები) სამომხმარებლო დონეზე ცოდნა.

 

კონკურსში  მონაწილე  პირმა ელექტრონულ  მეილზე -  trainee@gyla.ge უნდა  გამოაგზავნოს:

 

• ელექტრონულად შევსებული  განაცხადის ფორმა (იხ. მიბმული დოკუმენტი);

• იურისტის დიპლომის ან შესაბამის კურსზე  სწავლების  დამადასტურებელი დოკუმენტი  (დასკანირებული).

 

ან ორივე დოკუმენტი მატერიალური ფორმით წარმოადგინოს საქართველოს ახალგაზრდა იურისტთა ასოციაციის ოფისში  ქვემოთ  მითითებულ  მისამართზე.  

იურიდიულ დახმარების ცენტრში თანაშემწედ/სტაჟიორად ყოფნა გულისხმობს როგორც წესი 8 თვიანი კურსის გავლას, რომლის წარმატებით დასრულების შემთხვევაში მონაწილეები  მიიღებენ  შესაბამის  სერტიფიკატს.

 

თანაშემწეებს/სტაჟიორებს ევალებათ:

 

• იურიდიულ დახმარების ცენტრში მოქალაქეებისაგან  შემოსული  კითხვა- პასუხების ელექტრონულ პროგრამაში  დაფიქსირება;

• სარჩელების, განცხადებებისა და სხვა სამართლებრივი დოკუმენტაციის  მომზადებაში  დახმარება;

• საკანონმდებლო სიახლეებზე  მუშაობა;

• ბუკლეტებისა და ლიფლეტების შედგენისას იურისტების დახმარება; 

• იურიდიული დახმარების თანამშრომლებისათვის ტექნიკური დახმარების გაწევა და სხვა მოვალეობათა შესრულება.

 

კონკურსის შედეგად შერჩეულ კანდიდატებთან გაფორმდება შესაბამისი ხელშეკრულება, რომლითაც  განისაზღვრება თანაშემწეთა/სტაჟიორთა უფლება-მოვალეობები. 

საბუთების მიღება ზემოაღნიშნულ ელექტრონულ მისამართზე და საიას ოფისში იწარმოებს 2014 წლის 08 სექტემბრიდან 26 სექტემბრის ჩათვლით (განაცხადების წარმოდგენა როგორც მატერიალური, ასევე ელექტრონული ფორმით, შესაძლებელი იქნება 26 სექტემბრის 18:00 სთ-მდე). დაგვიანებით გამოგზავნილი ან წარმოდგენილი განაცხადები  არ  მიიღება. 

 

კონკურსი  ჩატარდება  ორ  ეტაპად:

 

კონკურსის პირველი ეტაპზე  (წერითი გამოცდა)  - დაშვებული  იქნება ყველა კანდიდატი, რომელიც სრულყოფილად გამოაგზავნის/წარმოადგენს შესაბამის დოკუმენტებს. წერით გამოცდაზე კონკურსში მონაწილეებს დაევალებათ კაზუსების ამოხსნა სამოქალაქო, ადმინისტრაციულ და სისხლის  სამართლიდან, განაცხადში მათ მიერ მითითებული სფეროს მიხედვით.

 

კონკურსის მეორე  ეტაპზე (გასაუბრება) - დაშვებული იქნებიან ის კანდიდატები, რომლებიც წარმატებით გადალახავენ პირველ ეტაპს.  

წერითი  გამოცდის  ჩატარებასთან დაკავშირებით დამატებითი ინფორმაცია გამოქვეყნდება ვებ გვერდზე, გამოცდის თარიღამდე მინიმუმ 5 დღით ადრე.  

დამატებითი ინფორმაციისათვის საკონტაქტო პირი - შორენა ლოლაძე.

 

მისამართი: თბილისი, ჯანსუღ კახიძის ქ. #15 

 

ტელ:  2-99 50 76;   2-93 61 01